立法會通過修訂職安健條例 違例僱主最高罰1千萬

近年不時發生致命工業意外，立法會琴日三讀通過修訂《職安健條例》，除左延長檢控期至9個月，違例僱主最高亦會被罰款1千萬。

勞工及福利局局長孫玉菡話，職安健嘅工作唔會停，除左推廣安全意識，亦要鼓勵業界善用科技，探測意外危機，做好預防工作，又話法庭會考慮公司營業情況，罰款一千萬只係針對嚴重情況，唔會導致無法負擔或營運。

對於被批評政府二十年冇修例係失職，佢話，修例工作牽涉好多層面，加上香港好多中小企，已經係盡力而為。