寶寶樹前CFO徐翀被炒後拒交接 帶劍闖辦公室反鎖三日

育兒網絡平台寶寶樹嘅前首席財務官徐翀早前被免職，不過，今日傳出徐翀拒絕接受，更手持長劍闖入辦公室，將自己反鎖三日。

有人喺網上透露，徐翀被免職當日，就拒絕同新嘅首席財務官交接，公司要求佢走嗰陣，佢竟然手持長劍，強行進入辦公室，更反鎖自己三日，當時仲同其他人發生肢體衝突。

徐翀被指表現唔好，試過唔合理暫停支付員工工資，更拒絕批准多間供應商嘅應付款項，另一方面，徐翀爆料話寶寶樹造假上市，仲牽涉其他公司，包括復星旅文、復宏漢霖等等。