SpaceX星艦升空4分鐘爆炸 但宣稱試射成功

2023年04月21日 12:27 赞好

美國太空探索技術公司Space X琴日第二次試射「運載火箭系統星艦」，但升空4分鐘之後發生爆炸，未有進入預定軌道，不過，Space X就話，今次發射係實驗性質，只要星艦離開發射台就係成功。

Space X創辦人馬斯克恭喜團隊，佢話，今次試射學到好多，未來幾個月會再試一次。而今次試射原定星艦可以進入軌道飛行幾分鐘，但最後升空4分鐘之後爆炸，墜落墨西哥灣。

星艦係傳統太空船嘅升級版，由兩部分組成，分別有火箭推進器以及船艙，可以載人，重點係可以重複使用，星艦今次第二次試射，上一次發射前就已經緊急停止。