立法會參觀佛山 議員促引入機械人協助建築業

2023年04月24日 11:46 赞好

立法會繼續大灣區訪問，有部分議員由政務司司長陳國基率領下，前往佛山訪問，佢地去到博智林機器人公司，喺佛山市市長白濤陪同下，參觀機械人項目。

參觀完之後，立法會議員葛珮帆話，佛山嘅建築機械人發展全面，香港不時發生致命工業意外，香港應該全面引入建築機械人；議員陳凱欣就話，機械人300日可以完成40層樓嘅建築同埋裝修，但立法會大樓擴建就要用三年，認為應該同內地技術聯手；議員邱達根就認為，香港引入科技墨守成規，政府部門應該持開放態度，令更多新技術可以喺香港應用。