李家超稱區議會多種方式產生　批現屆情況不能接受

2023年04月25日 13:49 赞好

近日一直有傳政府將會改變區議會架構，特首李家超今日話，地方行政檢討已經進入尾聲，區議會係地區行政以及諮詢嘅重要部分，值得保留，但產生方法要符合基本法，將會留有一定選舉成份，但亦有多種方式俾愛國愛港嘅人參與區議會工作。

李家超又批評現屆區議會，有大量區議員作出違反區議會職能嘅行為，包括鼓吹港獨，助長黑暴，惡意反對民生建設，破壞香港利益，又有大量議員拒絕宣誓，以各種借口辭職，情況唔可以接受，必須撥亂反正。

佢話，今次檢討係令區議會去政治化，政府唔會俾區議會成為港獨平台，會將國家安全放喺首位，全面準確、堅定不移貫徹「一國兩制」方針，確保《憲法》和《基本法》規定嘅制度有效及持久落實，亦要全面落實「愛國者治港」原則，充分體現行政主導。