李家超估計長假期60萬人次旅客入境 首季經濟2.7%正增長

內地五一長假期開始，香港多區都迫滿內地旅客。特首李家超今日話，至今有76萬人次入境，其中32萬人次係內地旅客，估計長假期會有60萬人次旅客入境。

佢又話，感謝香港各部門努力，旅客喺香港秩序良好，又話香港首季經濟增長2.7%，扭轉過往收縮嘅局面。

另外，李家超話，過去周末香港活起來、動起來、熱起來，上星期六舉行嘅全港戲院日，有22萬2千人入場睇戲，係平常嘅3倍，亦係4月單日最高，而美食市場有4.4萬人入場。