《給十九歲的我》郭偉倫道歉 澄清非指不澤手段

英華女學校紀錄片《給十九歲的我》獲頒金像獎最佳電影，聯合導演郭偉倫得獎嗰陣呼籲業界「拍左再算」，引起爭議，英華日前公開郭偉倫嘅信，佢承認自己無考慮事件背景，引起公眾誤解，向金像獎、英華以及記錄片團隊致歉。

英華又話，尊重及接納其中一名提出反對公映嘅校友要求，刪減片段，又當面向佢道歉，希望可以解決事情。

郭偉倫話，當時係表達拍攝記錄片嘅重要性，唔係指可以不擇手段、唔遵守法律，佢又話，一直反省自己拍攝時嘅不足，希望向受影響嘅朋友道歉。