露宿者比疫情前增加 社署稱會制定住屋安排

根據政府提供嘅數據顯示，登記露宿者嘅數目，由2022年3月底嘅1564人，下降至今年3月底嘅1441人，但仍然較2018至19年嘅1297人多，勞工及福利局今日話，社署會提供多項支援。

勞工及福利局局長孫玉菡話，社署目前有提供626個宿位，又會派出社工了解露宿者需要，包括協助申請租住私樓、公屋，或安老院照顧服務。

佢又話，社署服務隊會主動接觸露宿者，了解露宿原因，提供綜合服務，協助佢地重投社會，脫離露宿。