天星小輪船長連續當值23天猝死 工會稱船員支持現時安排

2023年05月04日 11:37 赞好

天星小輪一名船長連續當值23日之後，琴日突然暈倒不治，有人質疑天星小輪嘅輪班制度，需要連續工作25日先有假期。小輪業職工會理事長范強就話，天星小輪嘅工作模式係以30日為一個循環，工作25日後再休息5日，雖然曾經諮詢員工，考慮將工作模式同其他渡輪公司睇齊，變成當值5日之後休息一日，但船員普遍支持現有制度。

工業傷亡權益會總幹事蕭倩文就對天星小輪嘅工作安排感到譁然，佢認為，宜家制度對員工嘅生活作息有好大問題，就算無超時工作，對員工身體都造成負荷，佢建議公司俾員工選擇唔同工作制度。