新東方俞敏洪稱996都是「垃圾公司」倡24節氣都放假

2023年05月05日 16:23 赞好

新東方集團由補習機構轉型成為直播帶貨公司，創辦人俞敏洪近日喺直播入面話，應該增加放假時間，又批評一個公司長期將員工996睇成為一種驕傲，依間就係垃圾公司，它以剝削員工業務時間為驕傲。

俞敏洪又建議，作為全國政協委員，希望中國24個節氣都可以放一日假，等城市人尤其係小朋友可以同大自然親近，感受生命嘅韻律。

996即係每日工作時間由朝早9點到夜晚9點，每星期工作6日，阿里巴巴創辦人馬雲幾年前曾經公開話，996返工係一種巨大福氣，如果要成功就要付出比其他人更多嘅時間，但後來佢都解釋，如果一間公司長時間實行996，員工肯定會走哂。當時唔少中國科技公司都實行996工作。