回鄉證限期今日開始延長 議員提醒過關方式一樣

2023年05月08日 12:28 赞好

內地今日延長有效期限為2020年1月1號至今年12月30號嘅回鄉證，市民可以照常往返內地，又可以喺內地更換回鄉證。

立法會議員梁子穎話，宜家香港排隊更換回鄉證已到今年9月，至少要輪候4至5個月，佢認為新安排黎得合時，而另一議員張欣宇就提醒市民，即使回鄉證過期都可以照樣買高鐵飛。

梁子穎話，除左深圳有11個換證中心，亦可以喺廣東省其他城市換證，非常方便，但佢提醒必須要預約，唔可以即場申請；張欣宇話，疫後市民坐高鐵番去內地嘅流量比疫前上升一成，認為市民更傾向用高鐵番去內地，佢提醒即使回鄉證過期，購票方式都一樣。