政府再批明報尊子漫畫扭曲抹黑　有違傳媒道德

民政及青年事務局今日喺社交媒體發文批評《明報》嘅「尊子漫畫」，指關於區議會改制嘅內容係扭曲以及抹黑政府，嚴厲譴責有關行為。

民青局話，「尊子漫畫」內容無視事實，混淆視聽，並帶有歧視成份，侮辱膽固醇過高、患心臟病、色盲等人士，暗示佢地無能力貢獻社會，有違傳媒道德。

民青局又話，《明報》接三連三針對政府完善地區治理建議方案作出一啲誤導性嘅言論，扭曲解讀建議方案內容，屬政治凌駕道德嘅行為。