政府檢討公屋富戶政策　江玉歡倡取消重符資格

2023年05月10日 16:37 赞好

早前房委會舉行集思會檢討公屋富戶政策，當中有提及要縮短「定期暫准居住證」。立法會議員江玉歡就提出，除左縮短暫住期之外，更要取消重新符合資格嘅措施，堵截一啲突然變窮嘅人。

當公屋租戶被判定為「富戶」之後，就會收到「定期暫准居住證」，目前係12個月後要搬出，但如果期間資產符合限制，就可恢復租戶資格。江玉歡話，認為可以縮短暫住期至3個月至半年，因為搬屋都要時間，但認為住戶一達到富戶標準，無論以咩形式轉移資產，都應該要搬走，防止有啲人突然變窮人。

佢又認為房委會無做好審查租戶嘅政策，認為可以探討收緊申報資產嘅安排。