政府批粉嶺高球場局部起屋 高球會稱與體育發展不符

2023年05月12日 12:01 赞好

環保署有條件批准粉嶺高爾夫球場用地局部發展嘅環評報告，但要求檢視樓宇密度、高度，要盡量保留林地，減少建屋對樹木嘅影響，香港高爾夫球總會就話，收地同體育發展背道而馳。

發展局話，會如期9月1日收地，交由土拓署展開工程。香港高爾夫球總會行政總裁賴以尊就話，香港相比鄰近地區，高球場較少，宜家粉嶺高球場有40至50萬人次使用，4成係非會員，有7成高球比賽都喺粉嶺高球場進行，收地對體育發展有影響。

立法會新界北議員劉國勳就關注，用地同周邊地區嘅交通配套，可唔可以同北部都會區融合等等，希望當局作出回應。