睇樓客千里眼 見對面樓疑有大蜂巢 網友見有虎頭蜂

2023年11月06日 10:56 赞好

有位睇樓客睇樓時，看到對面樓外牆築有一個懷疑大蜂巢，急通知管理處。11月3日在社交平台的「屯門友」發帖，指「在新屯門中心第4座睇樓時看見第6座有好大個蜂巢，麻煩住喺嗰邊嘅街坊，請幫忙通知管理處」。睇樓客獲網民讚「勁！」，指「睇樓啫，咁都畀你睇到咁遠，你好叻呀」。回應的網民指「好大個巢」、「見到都驚」，也跟隨急急呼籲「快通知管理處跟進」。
另有街坊見到貼文指「我住6座高層的，天呀！」、「我住1座，唔怪得成日有蜜蜂喺窗外飛過」、「住咁高都有蜜蜂飛過，多數外牆有個巢」。有網民質疑蜂巢的說法，指「可能燕子巢？嗰度40層咁高喎！蜜蜂有冇可能呀？雀巢比較似，對面剷咗果原生森林！」另有網友分享：「我天水圍30幾樓，有兩隻蜂在窗外徘徊」、「再之更飛過入屋，可能係胡蜂之類（虎頭蜂）」。