2024年01月23日 10:36
因為一場派對、一塊薄餅，惹起人妻對丈夫的信任危機，懷疑枕邊人的「不斷叫我要夾咩夾咩畀姐姐，又話靚個件畀姐姐」的殷勤表現，是因為愛上了工人姐姐而情不自禁。呷醋人妻早前在facebook專頁發帖數丈夫，卻引起挺妻與挺夫兩派網民的角力，各說各有理。
挺妻派：
其實我同姐姐一向溝通良好，我一樣會夾靚啲畀姐姐，一樣每款都有。但佢卻講到我好似平時好刻薄姐姐咁、「肯定同工人姐姐有路」、「原來你先係工人，他要扮好人扮紳士」。
挺夫派：
站於人夫一方的網民則感嘆「做男人真係辛苦，咁都踩到雷」，並有人質疑樓主「係咪諗多咗」、「工人都呷醋？」。
儘管兩派意見各異，有高情商網民出來打完場，幫手教出得體應對，以高招挽救感情，堪稱夫妻博弈教科書：「下次叫埋姐姐一齊食，無噤尷尬」，「你同佢講，你細心D，你揀俾姐姐」，「好方法，不失大體，可拋番個波比佢」，當然之後細細聲同工人講，食完幫手執下野，要工人學識分莊閑，可以當工人是一家人的，只要互相尊重，互相配合就可以。