「孝順仔」5000元禮聘母親大掃除 網民聲討：阿媽唔係工人
2024年02月05日 13:12
年廿八洗邋遢。有與母親同住的「孝順仔」早前在網上發文抱怨，指臨近新年，阿媽日日都去兼職做家務助理，都唔執自己屋企，其實自己屋企都好亂，又唔執，阿媽說，因為出去做家務助理有錢收，執自己屋企係無錢的，最後並聲稱「畀咗5000蚊（當過年利是）」禮聘兼職家務助理賺快錢的母親出手大掃除。阿媽真係開始執屋，不過就話出面客戶比較重要，屋企排到最後。
但卻被大部分網民非議，提醒樓主「阿媽唔係工人，上班拍拖唔係大晒」，反問「點解你自己唔執？」。回應的網民力挺伯母，指「你媽做得對了！敬業啊」、「樓主有呢個阿媽，真好......」，「年尾搵好多錢的，160蚊一個鐘。」
之後，網民將視線轉移至樓主身上，提問「話時話，點解你又唔幫手執呢？間屋你冇份住咩？」，「正常唔應該要阿媽做，比多少少錢阿媽用，唔好比佢去打工。」有人更加建議樓主「你自己落手執啦收返5000元」。
說到底，還是有網民撐樓主，指「你估有好多後生真係唔使返工做隱敝人咩！人哋返工都好忙嘅時候，返到屋企都好攰，未必會有時間執屋呀！」。
其實僱員再培訓局的家居服務轉介平台「樂活一站」推出大掃除、煮團年飯及製作賀年糕點等服務，其中大掃除服務的建議時薪由135元至165元不等，比去年多10元。
