台桃園地檢控3人「賣豬仔」 受害者險被「契哥」賣掉所有器官

2022年10月20日 12:48 赞好

台灣桃園地檢處檢控三人，涉嫌販賣人口到柬埔寨「打工」，受害人更差啲被賣哂所有器官，地檢處要求3人判重刑。

桃園警察局話，今年8月破獲詐騙集團車手案，發現一名25歲姓林嘅女子手機入面，有民眾簽署器官捐贈嘅同意書，於是成立小組調查，最後拘捕31歲姓林嘅主謀以及27歲姓蔡嘅男子。

其中姓林嘅主謀，同其他人合媒將佢嘅「契細佬」呃到柬埔寨，更企圖賣哂受害人所有器官，但最後買家取消交易，受害人先保住性命，最後受害人逃返台灣，但被主謀以多年嘅情誼脅迫唔好去作證，最後喺警方勸說之下，先出面指控。桃園地檢署目前希望法院以重刑判處3人嘅罪行。