台桃园地检控3人「卖猪仔」 受害者险被「契哥」卖掉所有器官

2022年10月20日 12:48 赞好

台湾桃园地检处检控三人，涉嫌贩卖人口到柬埔寨「打工」，受害人更差啲被卖哂所有器官，地检处要求3人判重刑。

桃园警察局话，今年8月破获诈骗集团车手案，发现一名25岁姓林嘅女子手机入面，有民众签署器官捐赠嘅同意书，於是成立小组调查，最後拘捕31岁姓林嘅主谋以及27岁姓蔡嘅男子。

其中姓林嘅主谋，同其他人合媒将佢嘅「契细佬」呃到柬埔寨，更企图卖哂受害人所有器官，但最後买家取消交易，受害人先保住性命，最後受害人逃返台湾，但被主谋以多年嘅情谊胁迫唔好去作证，最後喺警方劝说之下，先出面指控。桃园地检署目前希望法院以重刑判处3人嘅罪行。