蘭州小童煤氣中毒亡 封控區不準放行求醫 網批防疫過度
2022年11月03日 11:59
甘肅蘭州一名3歲男童懷疑煤氣中毒，喺屋企昏迷，父母即時打120緊急救助電話，但冇人聽，父母想自行求醫，但因為住喺封控區，而唔準離開，最終男童不治身亡，有網民嘆惜，男童一生就喺疫情中渡過。
男童父親話，當日中午12點40分曾向社區求助，但冇人幫忙，將小朋友抱到小區門口，因為疫情防控唔放行，1點20分再打120，雖然話馬上黎，但最終一小時後先到。小童最後1點57時先送到醫院，兩名兒童，有一人不治，最後證實係一氧化碳中毒身亡。
事件引起網民批評，質疑因防疫過度而耽誤治療，有人更話，防疫係保護生命定係扼殺生命？
