兰州小童煤气中毒亡 封控区不准放行求医 网批防疫过度
2022年11月03日 11:59
甘肃兰州一名3岁男童怀疑煤气中毒，喺屋企昏迷，父母即时打120紧急救助电话，但冇人听，父母想自行求医，但因为住喺封控区，而唔准离开，最终男童不治身亡，有网民叹惜，男童一生就喺疫情中渡过。
男童父亲话，当日中午12点40分曾向社区求助，但冇人帮忙，将小朋友抱到小区门口，因为疫情防控唔放行，1点20分再打120，虽然话马上黎，但最终一小时後先到。小童最後1点57时先送到医院，两名儿童，有一人不治，最後证实系一氧化碳中毒身亡。
事件引起网民批评，质疑因防疫过度而耽误治疗，有人更话，防疫系保护生命定系扼杀生命？
