廣州兩女子與防疫人員衝突 被綁雙手跪在地上

2022年11月18日 16:41 赞好

近日廣州疫情升溫，單日確診人數超過1萬，防疫措施收緊，引黎民眾與防疫人員衝突。有兩名女子懷疑因無戴口罩，以及要出小區嘅問題，同防疫人員爭執，最後被綁雙手要跪喺地下。

網上片段流傳，事件懷疑發生喺疫情較嚴重嘅海珠區，兩名女子先係同防疫人員嘈交，雙方之後有肢體碰撞，期後兩名女子被防疫人員合力捆綁雙手，跪坐喺地下。

網上有疑似當事人回應，佢話只係拎取外賣，但朋友口罩唔見咗，最後同防疫人員衝突，又話嗰啲人員已道歉。有網民就認為，防疫人員唔需要咁暴力，亦有人批評兩名女子先惹事。