广州两女子与防疫人员冲突 被绑双手跪在地上

2022年11月18日 16:41 赞好

近日广州疫情升温，单日确诊人数超过1万，防疫措施收紧，引黎民众与防疫人员冲突。有两名女子怀疑因无戴口罩，以及要出小区嘅问题，同防疫人员争执，最後被绑双手要跪喺地下。

网上片段流传，事件怀疑发生喺疫情较严重嘅海珠区，两名女子先系同防疫人员嘈交，双方之後有肢体碰撞，期後两名女子被防疫人员合力捆绑双手，跪坐喺地下。

网上有疑似当事人回应，佢话只系拎取外卖，但朋友口罩唔见咗，最後同防疫人员冲突，又话嗰啲人员已道歉。有网民就认为，防疫人员唔需要咁暴力，亦有人批评两名女子先惹事。