疫情下4成多學生壓力指數偏高 2成幾焦慮

香港青年協會公布中學生情緒及求助調查，發現喺疫情下，4成6學生嘅壓力指數偏高，當中有2成4人出現唔同程度嘅焦慮，青協呼籲，學校喺復常路上要俾學生留喘息空間。

青協訪問咗5160名中一至中六學生，結果顯示，學生最困擾嘅係功課同埋測驗繁重，其次係學習動力低及成績退步，2成4有不同程度焦慮，較疫情前多近9%。

青協副總幹事徐小曼話，唔少學生都反映功課繁重，認為學校要多關注學生課業以及身心與社交健康，亦呼籲學生有情緒困擾，可以透過社區嘅機構協助。