疫情下4成多学生压力指数偏高 2成几焦虑

2022年11月29日 15:43 赞好

香港青年协会公布中学生情绪及求助调查，发现喺疫情下，4成6学生嘅压力指数偏高，当中有2成4人出现唔同程度嘅焦虑，青协呼吁，学校喺复常路上要俾学生留喘息空间。

青协访问咗5160名中一至中六学生，结果显示，学生最困扰嘅系功课同埋测验繁重，其次系学习动力低及成绩退步，2成4有不同程度焦虑，较疫情前多近9%。

青协副总干事徐小曼话，唔少学生都反映功课繁重，认为学校要多关注学生课业以及身心与社交健康，亦呼吁学生有情绪困扰，可以透过社区嘅机构协助。