美斯圓夢領阿根廷奪世界盃 17年球王夢終成真

2022年12月19日 12:40 赞好

阿根廷喺琴晚卡塔爾世界盃決賽擊敗法國，奪得冠軍，隊中靈魂美斯追逐世界盃17年終於圓夢，被視為正式「登基」成為一代球王。

美斯由2005年18歲開始效力阿根廷，由於喺巴塞隆拿長大，原本美斯可以入籍西班牙，但最後仍選擇為祖國效力。美斯球會生涯順風順水，但國家隊生涯就不斷受到質疑，2008年贏得奧運金牌，之後直至2021年先贏到美洲國家盃冠軍。

2014年曾飲恨世界盃屈居第二，2018年16強止步，美斯喺世界盃路上並唔容易，多年黎佢有時非常緊張，甚至喺場上嘔，但多年經歷，如今嘅佢已從容面對，琴晚大戰法國，雖然多次被追平，但美斯都係微笑面對，甚至奪冠之後，隊友都喊哂，但美斯仍然帶著微笑同隊友慶祝，無論實際上，定係精神上，美斯都成為實至名歸嘅「球王」。