美斯圆梦领阿根廷夺世界杯 17年球王梦终成真

2022年12月19日 12:40 赞好

阿根廷喺琴晚卡塔尔世界杯决赛击败法国，夺得冠军，队中灵魂美斯追逐世界杯17年终於圆梦，被视为正式「登基」成为一代球王。

美斯由2005年18岁开始效力阿根廷，由於喺巴塞隆拿长大，原本美斯可以入籍西班牙，但最後仍选择为祖国效力。美斯球会生涯顺风顺水，但国家队生涯就不断受到质疑，2008年赢得奥运金牌，之後直至2021年先赢到美洲国家杯冠军。

2014年曾饮恨世界杯屈居第二，2018年16强止步，美斯喺世界杯路上并唔容易，多年黎佢有时非常紧张，甚至喺场上呕，但多年经历，如今嘅佢已从容面对，琴晚大战法国，虽然多次被追平，但美斯都系微笑面对，甚至夺冠之後，队友都喊哂，但美斯仍然带着微笑同队友庆祝，无论实际上，定系精神上，美斯都成为实至名归嘅「球王」。