FTX創辦人SBF紐約出庭 獲准破記錄2.5億美元保釋

2022年12月23日 11:48 赞好

曾經係全球第二大虛擬貨幣交易所嘅FTX早前資不抵債宣布破產，兩名創辦人被控多項罪名，其中前CEO SBF今日喺美國紐約出庭，佢獲准以2.5億美元保釋，係紐約歷來最大嘅審前保釋金。

SBF需要交出護照、住喺父母屋企，唔可以參與金融活動，以及接受心理健康治療評估，據報SBF冇實際交出保釋金，但係以父母價值2.5億嘅住所作為抵押，如果佢潛逃，父母住所就會被充公。

今年30歲嘅SBF被指控8項罪名，包括洗黑錢、欺詐、串謀詐騙等，起訴書話，SBF多年黎轉移投資者嘅資金到私人基金，並挪用款項購買物業、進行政治捐獻等，佢將面臨115年監禁。