FTX创办人SBF纽约出庭 获准破记录2.5亿美元保释

2022年12月23日 11:48 赞好

曾经系全球第二大虚拟货币交易所嘅FTX早前资不抵债宣布破产，两名创办人被控多项罪名，其中前CEO SBF今日喺美国纽约出庭，佢获准以2.5亿美元保释，系纽约历来最大嘅审前保释金。

SBF需要交出护照丶住喺父母屋企，唔可以参与金融活动，以及接受心理健康治疗评估，据报SBF冇实际交出保释金，但系以父母价值2.5亿嘅住所作为抵押，如果佢潜逃，父母住所就会被充公。

今年30岁嘅SBF被指控8项罪名，包括洗黑钱丶欺诈丶串谋诈骗等，起诉书话，SBF多年黎转移投资者嘅资金到私人基金，并挪用款项购买物业丶进行政治捐献等，佢将面临115年监禁。