警方繼續搜尋蔡天鳳殘骸 涉事龍尾村有村民要心理輔導

2023年02月28日 12:37 赞好

名媛蔡天鳳遭前夫一家謀殺案，警方已搵到蔡天鳳嘅頭顱以及雙腿，但上身同埋雙手就未搵到，大批警員今日喺打鼓嶺堆填區搜索，希望搵到部分殘骸。

蔡天鳳前夫鄺港智涉及盜竊案被通緝多年，佢被捕之後今日首次提堂，控方話，鄺港智喺麻雀館多處地方偷7個人嘅金飾，因為考慮加控其他罪名，申請押後至5月9號再訊。

蔡天鳳喺大埔龍尾村遇害，有村民就向紅十字會登記，尋求支援，紅十字會心理支援服務主管張依勵話，市民對事件不安係正常，建議減少接收案件訊息，如果持續兩星期影響睡眠，就要搵專業協助，又呼籲市民留意身邊兒童嘅反應。