警方继续搜寻蔡天凤残骸 涉事龙尾村有村民要心理辅导

2023年02月28日 12:37 赞好

名媛蔡天凤遭前夫一家谋杀案，警方已搵到蔡天凤嘅头颅以及双腿，但上身同埋双手就未搵到，大批警员今日喺打鼓岭堆填区搜索，希望搵到部分残骸。

蔡天凤前夫邝港智涉及盗窃案被通缉多年，佢被捕之後今日首次提堂，控方话，邝港智喺麻雀馆多处地方偷7个人嘅金饰，因为考虑加控其他罪名，申请押後至5月9号再讯。

蔡天凤喺大埔龙尾村遇害，有村民就向红十字会登记，寻求支援，红十字会心理支援服务主管张依励话，市民对事件不安系正常，建议减少接收案件讯息，如果持续两星期影响睡眠，就要搵专业协助，又呼吁市民留意身边儿童嘅反应。