冰球賽播錯國歌　冰協：提供連結核實但主辦方網上查

2023年03月14日 11:31 赞好

港隊冰球隊早前喺波斯尼亞參加比賽，賽後播放國歌嗰陣，主辦方播錯咗示威歌曲。冰協話，已經按指引，向主辦方提供連結，又要求核實歌曲，但當地職員以事忙為由未能安排，出錯之後，職員解釋因為唔可以喺港隊提供嘅連結下載國歌，所以喺維基百科搜尋，結果出錯。

冰協領隊關婉儀已向警方錄取口供，佢話，當地職員喺維基以英文搜尋香港國歌，結果顯示咗示威歌曲，最後用咗Youtube嘅示威歌曲版本。

有傳媒報導，當時冰球隊一行22人，有20人係運動員，作為領隊嘅關婉儀已經身兼多職，照顧所有人，已經盡力按指引核實國歌。