冰球赛播错国歌　冰协：提供连结核实但主办方网上查

2023年03月14日 11:31 赞好

港队冰球队早前喺波斯尼亚参加比赛，赛後播放国歌嗰阵，主办方播错咗示威歌曲。冰协话，已经按指引，向主办方提供连结，又要求核实歌曲，但当地职员以事忙为由未能安排，出错之後，职员解释因为唔可以喺港队提供嘅连结下载国歌，所以喺维基百科搜寻，结果出错。

冰协领队关婉仪已向警方录取口供，佢话，当地职员喺维基以英文搜寻香港国歌，结果显示咗示威歌曲，最後用咗Youtube嘅示威歌曲版本。

有传媒报导，当时冰球队一行22人，有20人系运动员，作为领队嘅关婉仪已经身兼多职，照顾所有人，已经尽力按指引核实国歌。