波場幣創辦人孫宇晨美國被控告　證交會指控他非法銷售

2023年03月23日 12:29 赞好

波場幣創辦人、同時亦係虛擬貨幣界嘅知名人士孫宇晨，被美國證券交易委員會起訴，佢涉嫌非法銷售證券，欺詐以及操控市場，另外，亦有多人同時被控，包括多名美國歌手以及影星。

美國證交會話，孫宇晨透過虛擬交易增加波場幣嘅交易量，而佢嘅員工控制兩個交易平台，進行咗60萬次波場幣交易，每日「洗錢」大約450萬至740萬個波場幣，而非法交易嘅資產由孫宇晨提供。

孫宇晨未有回應事件，同佢相關嘅虛擬貨幣亦大跌5%至13%。孫宇晨1990年出生，佢係中國知名虛擬貨幣交易人士，佢創立咗波場幣，亦係交易所火幣嘅持有人。