波场币创办人孙宇晨美国被控告　证交会指控他非法销售

2023年03月23日 12:29 赞好

波场币创办人丶同时亦系虚拟货币界嘅知名人士孙宇晨，被美国证券交易委员会起诉，佢涉嫌非法销售证券，欺诈以及操控市场，另外，亦有多人同时被控，包括多名美国歌手以及影星。

美国证交会话，孙宇晨透过虚拟交易增加波场币嘅交易量，而佢嘅员工控制两个交易平台，进行咗60万次波场币交易，每日「洗钱」大约450万至740万个波场币，而非法交易嘅资产由孙宇晨提供。

孙宇晨未有回应事件，同佢相关嘅虚拟货币亦大跌5%至13%。孙宇晨1990年出生，佢系中国知名虚拟货币交易人士，佢创立咗波场币，亦系交易所火币嘅持有人。