坂本龍一離世享年71歲 去年舉辦「最後演奏會」

2023年04月03日 11:13 赞好

日本配樂大師坂本龍一3月28號喺東京一間醫院離世，享年71歲。坂本龍一近年一直同癌魔搏鬥，上年12月佢舉辦鋼琴演奏會，又話係佢嘅「最後演奏會」。

日本一間媒體3月29日刊出坂本龍一嘅書面訪問，佢話自己嘅體力不斷下降，好難創作到音樂，估唔到坂本喺訪問刊出之前已經去世，坂本龍一2014年確診咽喉癌，病情有好轉之際，2021年又傳出患直腸癌。

坂本龍一1952年喺日本東京都出生，70年代開展音樂職業生涯，1983年開始為電影配樂，佢曾經憑《末代皇帝》奪奧斯卡最佳原創音樂；《遮蔽的天空》贏得第二個金球獎。