坂本龙一离世享年71岁 去年举办「最後演奏会」

2023年04月03日 11:13 赞好

日本配乐大师坂本龙一3月28号喺东京一间医院离世，享年71岁。坂本龙一近年一直同癌魔搏斗，上年12月佢举办钢琴演奏会，又话系佢嘅「最後演奏会」。

日本一间媒体3月29日刊出坂本龙一嘅书面访问，佢话自己嘅体力不断下降，好难创作到音乐，估唔到坂本喺访问刊出之前已经去世，坂本龙一2014年确诊咽喉癌，病情有好转之际，2021年又传出患直肠癌。

坂本龙一1952年喺日本东京都出生，70年代开展音乐职业生涯，1983年开始为电影配乐，佢曾经凭《末代皇帝》夺奥斯卡最佳原创音乐；《遮蔽的天空》赢得第二个金球奖。