影星吳耀漢離世終年83歲　經典喜劇形象永留民心

2023年04月11日 12:47 赞好

香港著名影星吳耀漢逝世，終年83歲。有傳媒報導，吳耀漢近日已經住院，醫生琴日通知家人見最後一面，最後吳耀漢心跳停止，醫生簽紙確認死亡。

吳耀漢晚年一直居住喺香港，佢早前曾經透露，已經停工兩年，自己心臟血管栓塞曾經做手術，又因為嚴重腎衰竭，只剩低一成腎功能，要每天洗腎，聽力亦都下降7成。

吳耀漢出生富裕家庭，佢嘅爸爸吳海霖係九巴以及九龍殯儀館嘅聯合創辦人，吳耀漢早前喺英國讀書，不過大學一年級嗰陣轉攻戲劇課程，曾經喺英國主演電視喜劇，但覺得機會唔多，所以回流香港。吳耀漢喺香港80至90年代出演多部經典喜劇，包括《五福星》、《神勇雙響炮》、以及多部以福星為主題嘅電影，佢經典嘅喜劇形象係香港人嘅集體回憶。