影星吴耀汉离世终年83岁　经典喜剧形象永留民心

2023年04月11日 12:47 赞好

香港着名影星吴耀汉逝世，终年83岁。有传媒报导，吴耀汉近日已经住院，医生琴日通知家人见最後一面，最後吴耀汉心跳停止，医生签纸确认死亡。

吴耀汉晚年一直居住喺香港，佢早前曾经透露，已经停工两年，自己心脏血管栓塞曾经做手术，又因为严重肾衰竭，只剩低一成肾功能，要每天洗肾，听力亦都下降7成。

吴耀汉出生富裕家庭，佢嘅爸爸吴海霖系九巴以及九龙殡仪馆嘅联合创办人，吴耀汉早前喺英国读书，不过大学一年级嗰阵转攻戏剧课程，曾经喺英国主演电视喜剧，但觉得机会唔多，所以回流香港。吴耀汉喺香港80至90年代出演多部经典喜剧，包括《五福星》丶《神勇双响炮》丶以及多部以福星为主题嘅电影，佢经典嘅喜剧形象系香港人嘅集体回忆。