達賴喇嘛要求男童吸舌頭　被轟嘔心變態

2023年04月11日 12:51 赞好

達賴喇嘛早前喺一個公開活動度，要求一名男童「吸」佢條脷，行為引起極大爭議，唔少網民批評達賴喇嘛嘅行為「嘔心變態」。達賴喇嘛之後發表聲明道歉，話對自己嘅行為好後悔，又話自己經常講笑。

事件估計發生喺2月，當時達賴出席一個喺印度北部嘅活動，一名男童走上台，問達賴可唔可以抱佢，達賴答應之後，又錫咗男童嘅咀，之後伸出脷要男童「吸」，但男童靠近一下之後就離開。

唔少網民批評達賴行為嘔心以及變態，亦有人引述報導話，伸脷係西藏一種問候方式，但唔會要求人哋吸脷，達賴嘅辦公室就發聲明向男童以及佢嘅家人道歉。