达赖喇嘛要求男童吸舌头　被轰呕心变态

2023年04月11日 12:51 赞好

达赖喇嘛早前喺一个公开活动度，要求一名男童「吸」佢条脷，行为引起极大争议，唔少网民批评达赖喇嘛嘅行为「呕心变态」。达赖喇嘛之後发表声明道歉，话对自己嘅行为好後悔，又话自己经常讲笑。

事件估计发生喺2月，当时达赖出席一个喺印度北部嘅活动，一名男童走上台，问达赖可唔可以抱佢，达赖答应之後，又锡咗男童嘅咀，之後伸出脷要男童「吸」，但男童靠近一下之後就离开。

唔少网民批评达赖行为呕心以及变态，亦有人引述报导话，伸脷系西藏一种问候方式，但唔会要求人哋吸脷，达赖嘅办公室就发声明向男童以及佢嘅家人道歉。