寶馬車展只派雪糕給外國人被指歧視 寶馬稱是同事

2023年04月21日 16:02 赞好

寶馬日前喺上海參加車展，不過就發生一段小插曲，引起歧視風波。有參展嘅人向寶馬領取免費派發嘅雪糕被拒，但有外國人就可以拎到，寶馬被批歧視中國人，但後來寶馬話，嗰名外國人係同事，剩低嘅雪糕係希望派俾辛苦工作嘅同事。

當天有參展嘅人話，去拎雪糕嗰陣，被告知已經派完，但另外有外國人去又拎到。寶馬就話，當日車展現場溫度高，所以準備一啲雪糕俾現場嘅朋友，除左每日300份派發，仲有一啲留俾辛苦工作嘅同事，而幾名外國人都係同事。但寶馬就承認，流程管理唔好，兩名派發雪糕嘅禮儀小姐都係啱啱踏入社會嘅年輕人，希望大家俾佢地多啲寬容同埋空間。