宝马车展只派雪糕给外国人被指歧视 宝马称是同事

2023年04月21日 16:02 赞好

宝马日前喺上海参加车展，不过就发生一段小插曲，引起歧视风波。有参展嘅人向宝马领取免费派发嘅雪糕被拒，但有外国人就可以拎到，宝马被批歧视中国人，但後来宝马话，嗰名外国人系同事，剩低嘅雪糕系希望派俾辛苦工作嘅同事。

当天有参展嘅人话，去拎雪糕嗰阵，被告知已经派完，但另外有外国人去又拎到。宝马就话，当日车展现场温度高，所以准备一啲雪糕俾现场嘅朋友，除左每日300份派发，仲有一啲留俾辛苦工作嘅同事，而几名外国人都系同事。但宝马就承认，流程管理唔好，两名派发雪糕嘅礼仪小姐都系啱啱踏入社会嘅年轻人，希望大家俾佢地多啲宽容同埋空间。