中駐法大使稱前蘇聯各國無主權 中方稱屬個人觀點

2023年04月25日 14:05 赞好

中國駐法國大使盧沙野日前受訪，佢話根據國際法，前蘇聯各加盟國冇有效主權國家地位，引起多個東歐國家抗議。中國駐法國大使館之後發表聲明，話咁只係盧沙國個人觀點，而外交部發言人就話，中方尊重前蘇聯加盟國嘅主權國家地位，冇任何改變。

盧沙野當時接受法國電視台訪問，當主持人講到根據國際法，克里米亞屬於烏克蘭，盧沙野就回應，根據國際法依啲前蘇聯加盟國都冇國際地位，冇國際協議承認佢地嘅主權國家地位。

多個東歐國家隨即抗議，立陶宛、拉脫維亞、愛沙尼亞提出抗議，法國要求中國澄清，80幾名歐洲議員呼籲法國列盧沙野為不受歡迎人物。中國外交部就強調，對前蘇聯加盟國嘅主權地位冇改變立場，中方當時亦係最早同有關國家建立外交關係。