中驻法大使称前苏联各国无主权 中方称属个人观点

2023年04月25日 14:05 赞好

中国驻法国大使卢沙野日前受访，佢话根据国际法，前苏联各加盟国冇有效主权国家地位，引起多个东欧国家抗议。中国驻法国大使馆之後发表声明，话咁只系卢沙国个人观点，而外交部发言人就话，中方尊重前苏联加盟国嘅主权国家地位，冇任何改变。

卢沙野当时接受法国电视台访问，当主持人讲到根据国际法，克里米亚属於乌克兰，卢沙野就回应，根据国际法依啲前苏联加盟国都冇国际地位，冇国际协议承认佢地嘅主权国家地位。

多个东欧国家随即抗议，立陶宛丶拉脱维亚丶爱沙尼亚提出抗议，法国要求中国澄清，80几名欧洲议员呼吁法国列卢沙野为不受欢迎人物。中国外交部就强调，对前苏联加盟国嘅主权地位冇改变立场，中方当时亦系最早同有关国家建立外交关系。