上海浦發銀行大批員工罷工 網傳不滿大幅減薪

2023年05月12日 16:50

上海浦東發展銀行日前有大批員工喺陸家嘴分行聚集,抗議被大幅減薪,網上有流傳照片,有員工打卡之後唔做野,喺座位貼上「罷工」字眼。

有員工喺網上表示,自己原本2萬人民幣月薪,被大減至6千左右,認為遠低於自己嘅價值,所以要罷工抗議。當日浦發銀行向員工發出內部訊息,禁止轉發敏感訊息以及新聞。

有傳媒引述消息話,浦發銀行已經有兩輪減薪,高級管理人員基本上年年都喺度減薪。浦發銀行之後公開回應,話有員工薪酬下降係因為業績唔好,而聚集事件係外包公司同員工有溝通問題,兩者並唔係同一件事。

相關新聞