上海浦发银行大批员工罢工　网传不满大幅减薪

上海浦东发展银行日前有大批员工喺陆家嘴分行聚集，抗议被大幅减薪，网上有流传照片，有员工打卡之後唔做野，喺座位贴上「罢工」字眼。

有员工喺网上表示，自己原本2万人民币月薪，被大减至6千左右，认为远低於自己嘅价值，所以要罢工抗议。当日浦发银行向员工发出内部讯息，禁止转发敏感讯息以及新闻。

有传媒引述消息话，浦发银行已经有两轮减薪，高级管理人员基本上年年都喺度减薪。浦发银行之後公开回应，话有员工薪酬下降系因为业绩唔好，而聚集事件系外包公司同员工有沟通问题，两者并唔系同一件事。