車長怒斥少年「嘟」小童飛落車 母反斥有錢畀你使唔使呀

近日有一名15歲學童與母親上巴士時，學童用了小童八達通，車長望了一望該名少年，隨即截停問「喂你幾多歲呀，仲畀小童」，學童回答自己是15歲，車長隨即喝令他落車或給成人全票。少年表示自己無卡，車長便停低巴士打開車門，要求少年落車或立刻繳成人票價二選一，學童便向母親求救，該母親問「學生唔可以用小童飛咩」。車長勞氣回答不可以，少年母親怒言「你使唔使咁嘅態度呀！你好啲態度，我有錢畀你！細路仔唔識嘢得唔得呀」，車長火起大喝「唔畀咪落車囉」。最後，少年母親再拍了一次成人票八達通後，繼續大罵車長態度不好，而少年獲母親袒護後態度180度轉變，鬧車長「我而家差你錢呀，好大呀你揸車」。不少人批評車長態度差劣，引發爭論。不過亦有人認為「師兄態度真係可以好啲嘅，道理係你度」、「司機做法冇得頂，只是用錯表達方法」、「兩母子係唔啱，但係我覺得司機唔需要咁嘅態度， 有少少過火」。