车长怒斥少年「嘟」小童飞落车 母反斥有钱畀你使唔使呀

近日有一名15岁学童与母亲上巴士时，学童用了小童八达通，车长望了一望该名少年，随即截停问「喂你几多岁呀，仲畀小童」，学童回答自己是15岁，车长随即喝令他落车或给成人全票。少年表示自己无卡，车长便停低巴士打开车门，要求少年落车或立刻缴成人票价二选一，学童便向母亲求救，该母亲问「学生唔可以用小童飞咩」。车长劳气回答不可以，少年母亲怒言「你使唔使咁嘅态度呀！你好啲态度，我有钱畀你！细路仔唔识嘢得唔得呀」，车长火起大喝「唔畀咪落车罗」。最後，少年母亲再拍了一次成人票八达通後，继续大骂车长态度不好，而少年获母亲袒护後态度180度转变，闹车长「我而家差你钱呀，好大呀你揸车」。不少人批评车长态度差劣，引发争论。不过亦有人认为「师兄态度真系可以好啲嘅，道理系你度」、「司机做法冇得顶，只是用错表达方法」、「两母子系唔啱，但系我觉得司机唔需要咁嘅态度， 有少少过火」。