九龍灣中醫診所疑$20淘寶藥收$800 被投訴稱「醫師心緒不寧畀錯」

有港女光顧九龍灣一間中醫診所做針灸，收費5100元，其中800元為購買醫師所開的一隻藥物，她發現藥物盒上有簡體字，上網搜尋發現淘寶有一模一樣的藥，而售價僅20元。

女事主即向有關診所投訴，要求退款$800，對方回覆指因為「醫師心緒不寧畀錯（藥）」，事主表示：「我都係學生其實我冇好多錢，真係有啲太貴囉。」，
診所初頭回覆：「退錢是沒有問題的，放心。」女事主說：「咁直接退錢吧。」這時，診所又說：「所以你要打畀醫師處理，我呢邊做唔到退錢。」

但女事主堅持退錢，診所職員突然又扯到診所老闆患癌，「其實因為老闆對我好好，我知道老闆而家有Cancer，話畀錯其實係我自己講嘅。」

該診所職員其後又回覆女事主指，有關藥物是他們在港藥廠「攞貨」，絶非淘寶貨：「你這一個是10粒？醫師說香港藥廠的是60粒的。」，並提醒「又送咗一個豐胸療程畀你，原價都要$4800，藥又畀咗多一盒你」。女事主不為所動，

最後女事主直接私訊聯絡診所老闆，她指老闆回覆的態度不善，
該診所老闆同意退回800元給女事主，但要求把送贈4800元的豐胸療程要「補返錢」，因為「我係老闆，我冇應承過要送豐胸畀你」。

女事主回應：「我冇叫佢（指醫師）送。」該老闆強調：「我哋喺香港藥廠拎嘅貨，唔係大陸貨。」「有證據證明喺香港藥廠，淨係醫生先可以買嘅。」他強調「行得正企得正」。

女事主在對話中投訴診所回覆混亂：誰知該診所老闆竟回覆：「要唔要報警？我同你屋企人一齊去，睇吓邊個錯。」

女事主在帖文中表示：「其實到後面我已經放棄叫佢地退錢，始終佢哋都真係攞咗證據畀我睇個藥係喺香港攞，但個態度真係令到我好唔舒服。」

她批評始終在診所消費了五千多元，「都唔係一筆細數目啊......作為商家咁嘅態度真係正常咩？」

網民又質疑一次針灸收費5100元，是否過貴：「$5100咁貴？係咪買package針10次？」「但係你點針到$4300（扣除$800藥物）？整燒肉啲燒豬都冇你咁多針。」